Борисо-Глебский монастырь

1.jpg2.jpg4.jpg

ОБЪЯВЛЕНИЕ
Если у Вас сохранились старинные фотографии и другие материалы, имеющие отношение
к Борисо-Глебскому мужскому монастырю, Троице-Борскому девичьему монастырю,
с.Кондаково и колодчику
прп. Иринарха, а также другим селам и храмам
Борисоглебской земли, просим обратиться по адресу

Этот адрес электронной почты защищен от спам-ботов. У вас должен быть включен JavaScript для просмотра.

Свидетельства о помощи преп. Иринарха

Вадим, 35 лет
Добрый день, святые отцы!
Хочу предоставить свидетельство о заступничестве святого
24.03.2013

Наши друзья

Акафист

         Акафист преподобному Иринарху

Акафист на церковно-славянском языке                                                                                                                  

  

КОНДАК 1

Избрáнный угодниче Христóв и преславный чудотворче Иринáрше, дивно на земли в чине áнгельстем пожил еси и ныне, яко имеяй вéлие дерзновение ко Господу, бýди теплый о нас пред Богом заступник, да с любовию зовем ти:

Радуйся, Иринарше преподóбне, пустынножителей светлое украшение.

 

ИКОС 1

Ангел земный и человек Небесный явился еси, преподобне Иринарше: от юности бо твоея Гóсподеви благоугождáя, все житиé твое в добровольном пóдвизе страдáльчествования проводил еси, идеже ныне ликуя, услыши и нас, на земли поющих ти таковáя:

Радуйся, православныя Церкве Христовы превеликое украшение. Радуйся, Отечествия твоего светильниче пресветлый. Радуйся, любовию ко Господу сердце твое от юности уязвúвый. Радуйся, и сам от Него возлюблен бывый. Радуйся, воине Христов добропобедный. Радуйся, силою свыше облечéнный. Радуйся, Царствия Небеснаго наслéдниче. Радуйся, о всех чтущих тя усердный молитвенниче. Радуйся, Иринарше преподобне, пустынножителей светлое украшение.

 

КОНДАК 2

Видевше рóждшии тя и знáемии, яко благодать Божия почú на тебе, блаженне, радостию святою рáдовахуся, и Христа о сем славляху, поюще Ему: Аллилуиа.

 

ИКОС 2

Разума Божественна испóлнився, познал еси, преподобне, яко благо есть мужу, иже вóзмет ярéм Господень на ся от юности своея, и сего ради во след Христа со усердием потекл еси. Темже зовем ти:

Радуйся, иго Господне на себе вселюбезно приявый. Радуйся, в терпении спасения души своея искáвый. Радуйся, во смирении твоем Сыну Божию, смирившемуся до рабия образа, подражавый. Радуйся, Бога и ближняго твоего паче себе возлюбивый. Радуйся, слезами на земли сéявый. Радуйся, притекающих к заступлению твоему послушателю скорый. Радуйся, Иринарше преподобне, пустынножителей светлое украшение.

 

КОНДАК 3

Сила Вышняго от юности даровася ти, блаженне: далече бо сый, кончину отца твоего умныма очима узрéвый, и братиям своим по плоти о сем возвестивый, сим удивил еси тыя и научил еси звати Богу: Аллилуиа.

 

ИКОС 3

Имый всеусердное о спасении души твоея попечение, во обитель страстотерпцев Христовых Бориса и Глеба притекл еси, и тамо, пред игуменом пад, о вчинéнии себе в лик иноков всеусéрдно молил еси, еже и улучил еси приемый постриг главы твоея´ во отвержение мира и суéт его. Мы же сия зряще, таковая поем ти:

Радуйся, мирская возненавидевый, да Христов раб бýдеши. Радуйся, пóстниче терпеливейший, хлебом живота вечнаго душу твою питавый. Радуйся, во плóти небесный жителю. Радуйся, наставниче великий к путем спасения. Радуйся, трудолюбием твоим во обители Борисо-Глéбстей просиявый. Радуйся, страстотéрпче Христов долготерпеливе. Радуйся, постников похвало и славо. Радуйся, воздержания подвижников чистейшее зерцало. Радуйся, Иринарше преподобне, пустынножителей светлое украшение.

 

КОНДАК 4

Бурю велию напастей воздвиже на тя ненавидяй добра диавол, обаче не поколебá доблести души твоея, посредé пéщи искушений немóлчно Богови зовущаго: Аллилуиа.

 

ИКОС 4

Слышав Господа в Евангелии Своем глагóлюща, яко многими скорбьмú подобает нам в Царствие Небесное внúти, уготовал еси плещú твоя на раны и ланúте на заушéния, всякое озлобление ради Христа претерпети готовый. Мы же, сицевую высоту духовныя жизни твоея зряще, ублажаем тя похвалы таковыми:

Радуйся, всего себе в волю Господню предавый. Радуйся, Христа Распятаго паче всего возлюбивый. Радуйся, терпением злостраданий Иову себе уподóбивый. Радуйся, язвы Господа Иисуса на теле твоем носивый. Радуйся, узы Христовы на ся возложивый. Радуйся, ýжема железныма коварства врáжия связавый. Радуйся, величием подвигов своих ангелы возвеселивый. Радуйся, жестоким твоим житием человеки удививый. Радуйся, Иринарше преподобне, пустынножителей светлое украшение.

 

КОНДАК 5

Боготечней звезде подóбяся, протекл еси земное поприще твое, Иринарше, всемогущею благодатию Божиею покрываем, и небесных видений сподобляем, в нощéх и во днех поя Владыце: Аллилуиа.

 

ИКОС 5

Видевше тя иноцы обители, в ней же подвизался еси, земная презирающа, и в рýбех и необувенныма ногама ходяща, вознегодовáша и двакрáты из ограды своея извергóша. Ты же, незлобив сый, во град Ростов текл еси, о изгнавших тя молитвы возсылая. Сего ради приими от нас сицевая:

Радуйся, терпением скорбей всяческих просиявый. Радуйся, вольною нищетою вечное богатство стяжавый. Радуйся, всяцем образом Владыце всех угодивый. Радуйся, равноангельное житие на земли поживый. Радуйся, веры светлый светильниче. Радуйся, ко грядущему граду верный наставниче. Радуйся, вся земная во умéты вменивый. Радуйся, незлобием твоим ризы души своея убеливый. Радуйся, Иринарше преподобне, пустынножителей светлое украшение.

 

КОНДАК 6

Проповедницы воли Божественныя о тебе явишася самобратия святая Роман с Давидом, и в видении тебе представше, во обитель свою, из неяже изгнан был еси, паки тя глашаху. Ты же от видения воспрянув, и радости исполнься, Богови воззвал еси: Аллилуиа.

 

ИКОС 6

Возсиявша благодатна светильника, яви тя Господь, егда недовéдомыми судьбáми Своими из ограды обители святых мучеников во град Ростов тя изведé, да и во обителех Авраамиевой и Лазаревой прославится о тебе имя Его. Мы же таковому о тебе Божию смотрению удивльшеся, глаголем ти таковая:

Радуйся, орудием воли Божия бывый. Радуйся, во смиренномудрии поживый. Радуйся, страсти в души твоей искоренивый. Радуйся, явлением ти преподобнаго Авраамия почтенный. Радуйся, союзом любве со блаженным Иоанном себе связавый. Радуйся, прозорливым глаголом уст его внимáвый. Радуйся, стогны ростовския подвиги твоими освятивый. Радуйся, о всех притекающих к тебе усердный молитвенниче. Радуйся, Иринарше преподобне, пустынножителей светлое украшение.

 

КОНДАК 7

Хотяй всем спастися Владыка Господь чýдным гласом воспятú тя от намерения твоего оставити пределы ростовския и к северу уклонитися. Ты же, послушлив сый, всего себе воли Его предáв, воззвал еси Ему: Аллилуиа.

 

ИКОС 7

Новый воистину Даниил явился еси, преподобне, в дивнем видении твоем узрéвый грядущия сýдьбы Царства Российскаго, и повеление от Бога прием, потекл еси ко граду Москве, идеже царю Василию небоязненно рекл еси о всех, хотящих быти. Мы же, тайнозрению твоему дивящеся, сицевáя тебе приносим:

Радуйся, провидче дивный, будущая яко настоящая, узревый. Радуйся, духом твоим о сих вельми возскорбевый. Радуйся, веления Божия послушниче усердный. Радуйся, небоязненно повеленная ти цареви явивый. Радуйся, словесы твоими сего укрепивый. Радуйся, беззаконий сынов ея твердейший обличителю. Радуйся, о спасении Царства Российскаго богоугодный молитвенниче. Радуйся, о мире Державы Российския пред Господем предстателю. Радуйся, Иринарше преподобне, пустынножителей светлое украшение.

 

КОНДАК 8

Странен и дивен путь спасения протекл еси, блаженне, егда от иконы Распятия Христова повеление восприим, в затвор вшел еси, в нем же тело твое ýжема железныма связав и множество железных крестов на ся возложив, во дни и нощú Владыце твоему звал еси: Аллилуиа.

 

ИКОС 8

Весь был еси умом и сердцем твоим в горнем, аще и в хижине малей заключився, преподобне. Темже и ныне водворяяся на Небеси, заступаеши всех, верою и любовию вопиющих ти таковая:

Радуйся, в терпении и злострадании житие твое препроводивый. Радуйся, волю свою заповедем Господним покоривый. Радуйся, благодатию Духа Святаго осиянный. Радуйся, источниче чудес богодарованный. Радуйся, исцелений независтный подателю. Радуйся, немудрых богомудрый наказателю. Радуйся, правды Божия нелицеприемный возвестителю. Радуйся, обидимых многомощный защúтителю. Радуйся, Иринарше преподобне, пустынножителей светлое украшение.

 

КОНДАК 9

Во всяких напастех и скорбех всем был еси утéшитель благодатный, тугу сердечную стрáждущих словесы и молитвами твоими прогоняя, и во уповании на помощь Вышняго тех укрепляя, и научая пети Ему: Аллилуиа.

 

ИКОС 9

Витиú многословесныя по достоянию восхвалúти не возмогут мужества души твоея, богомудре отче наш Иринарше: варваром бо на обитель твою находящим и иноком ю оставльшим, ты един пребыти зде не убоялся ecи, Богу себе вручая. Темже любовию восхваляем тя сице:

Радуйся, убивающих тело, души же убити не могущих, не устрашивыйся. Радуйся, воине Христов непоколебимый. Радуйся, жизнь будущаго века паче врéменнаго жития возлюбивый. Радуйся, силою словес твоих, благодати исполненных, врагов обличивый. Радуйся, теми ярость сих в кротость преложивый. Радуйся, пред военачальники вражиими православна и верна быти царю своему исповедавый. Радуйся, хищений их небоязненный обличителю. Радуйся, грядущаго на них гнева Божия верный возвестителю. Радуйся, Иринарше преподобне, пустынножителей светлое украшение.

 

КОНДАК 10

Спастися хотящим человеком, добр вождь явился еси, преподобне, от Египта страстей в земли обетованней тех путеводствуя и ученьми своими наказýя, во еже пéти Творцу всех: Аллилуиа.

 

ИКОС 10

Стéну необоримую и ограждение нерушимое не тóчию обители твоей и стране ростовстей, но и всей Державе Российстей дарова тя Господь, всеблаженне, ибо богоприятными твоими молитвами оныя ограждáеши и от нахождения иноплеменных свобождáеши. За сия убо приимú от нас похвалы сицевыя:

Радуйся, Российстей земли Богом дарованный защитителю. Радуйся, святыя обители твоея неусыпный хранителю. Радуйся, любовь твою ко Отечествию земному в житии своем явивый. Радуйся, туюжде любовь к нему и по смерти сохранивый. Радуйся, князя Димитрия Крестом Христовым благословивый. Радуйся, небоязненно тещи на освобождение царствующаго града Москвы глаголы своими того утвердивый. Радуйся, свобождению царскаго града предивный помощниче. Радуйся, светом Небесным, приходящия к тебе озаряяй. Радуйся, Иринарше преподобне, пустынножителей светлое украшение.

 

КОНДАК 11

Пение непрестанное во всем житии твоем Бóгови приносил, еси, преподобне отче наш Иринарше. Ныне же от нас воспевáемый и по достоянию ублажáемый на земли, тáмо, на Небеси, купно со ангелы прослáвльшему тя дивно Господеви зовеши: Аллилуиа.

 

ИКОС 11

Светозарна светильника яви тя, блаженне, Христос Бог, Егоже сиянием людие просвещаются, и тебе, яко спасения их виновнику, приносят таковая:

Радуйся, доблий подвижниче, враги спасения победивый. Радуйся, изгнания благодушно при´явый. Радуйся, изриновение из затвора твоего и биения злых человек претерпéвый. Радуйся, душу твою дарованьми Небесными украсивый. Радуйся, в воздаяние трудов твоих и болезней силу прозрения и чудодействия получивый. Радуйся, мучительства злых бесов человеки свобождаяй. Радуйся, дарований Божиих всем подателю. Радуйся, ко грядущему Граду Небесному верный наставниче. Радуйся, Иринарше преподобне, пустынножителей светлое украшение.

 

КОНДАК 12

Благодатию, данною ти от Бога, отче, преведи ны безбедно по бурному морю житейскому, и в тихое пристанище Небеснаго Царствия сподоби достигнути, да тамо, вкупе с тобою, в безконечныя веки Владыце нашему поем: Аллилуиа.

 

ИКОС 12

Поем дивное твое житие, блажим великия и преславныя твоя подвиги, почитаем честнýю и достохвальную кончину твою, величаем небесную славу твою, и от избытка сердец наших похвальная зовем ти сице:

Радуйся, в Чертозе Небеснем лику святых сопричтéнный. Радуйся, христианом скорый помощниче. Радуйся, нищету совершенную до конца сохранивый. Радуйся, тягчайшия вериги твоя, яко утварь драгую, на плещéх своих носивый. Радуйся, врачеваний безмездных всемилостивый подателю. Радуйся, ленивых к подвигом возбудителю. Радуйся, исправления грешников поручителю. Радуйся, обители твоея и страны ростовския славо. Радуйся, Иринарше преподобне, пустынножителей светлое украшение.

 

КОНДАК 13

О, всехвальный угодн ebony porn иче Христов и чудотворче предивный, преподобне и преблаженне отче наш Иринарше, с верою и любовию вопием тебе всеусердно: приими ныне малое моление сие наше, и умоли милостиваго Бога, да избавит нас от всяких бед и напастей, и будущия свободит муки, вопиющих Ему: Аллилуиа.

(Этот кондак читается трижды)

 

ИКОС 1

Ангел земный и человек Небесный явился еси, преподобне Иринарше: от юности бо твоея Господеви благоугождая, все житие твое в добровольном пóдвизе страдальчествования проводил еси, идеже ныне ликуя, услыши и нас, на земли поющих ти таковая:

Радуйся, православныя церкве Христовы превеликое украшение. Радуйся, Отечествия твоего светильниче пресветлый. Радуйся, любовию ко Господу сердце твое от юности уязвивый. Радуйся, и сам от Него возлюблен б´ывый. Радуйся, воине Христов добропобедный. Радуйся, силою свыше облеченный. Радуйся, Царствия Небеснаго наследниче. Радуйся, о всех чтущих тя усердный молитвенниче. Радуйся, Иринарше преподобне, пустынножителей светлое украшение.

 

КОНДАК 1

Избранный угодниче Христов и преславный чудотворче Иринарше, дивно на земли в чине ангельстем пожил еси и ныне, яко имеяй велие дерзновение ко Господу, буди теплый о нас пред Богом заступник, да с любовию зовем ти:

Радуйся, Иринарше преподобне, пустынножителей светлое украшение.

 

Молитва преподобному Иринарху,
затворнику Ростовскому

13 (26) января

О, великий угодниче Христов, добропроизвóльный страдальче, предивный затворниче, преславный чудотворче, преподобне отче наш Иринарше! С верою и любовию к тебе припáдаем и молимся прилежно: яви нам, смиренным и грешным, молитвенное твое заступление. Се бо, грех ради наших, не имамы свободы чад Божиих просити о потребах наших Господа и Создателя нашего, но тебе предстателя благоприятнаго к Нему предлагаем, и просим тя со усердием многим. Испроси нам у благости Его вся благопотребныя дáры душáм и телесем нашим: веру праву, надежду спасения несомненну, любовь ко всем нелицемерну, благочестие непоколебимое, во искушениих мужество, в злостраданиих терпение, в молитвах постоянство, душам и телесем здравие, земли плодоносие, воздуху благорастворение, дожди благовременны и благословение свыше на вся благая дела и начинания наша. Испроси, угодниче Божий, у Царя небеси и земли здравие, спасение и на враги одоление, и всему богохранимому Отечеству Российскому мир, тишину и благостроение. Сохрани, чудотворче святый, обитель твою честн´ую, в ней же подвизался еси люботрýдно, и вся живущия в ней и на поклонение в ню приходящия невредимы от искушений диавольских и всякаго зла и всем подаждь вся к житию нужная, и кончину христианскую, и добрый ответ на Страшнем Суде Христове; и молитвами твоими всех нас приведи во пристанище спасения, и наследники яви быти всесветлаго Царствия Христова, да поем и славим человеколюбие и милость в Троице поклоняемаго Бога, Отца и Сына и Святаго Духа, и твое святое заступление, во веки веков. Аминь.

Иная молитва

О, преподобне отче наш Иринарше! Се мы молим тя усердно: буди ходáтай наш присный, испроси нам, рабам Божиим (имена), от Христа Бога мир, тишину, благоденствие, здравие, спасение и от всех врагов видимых и невидимых ограждение. Покры´й же нас ходатайством твоим от нахождения всяких бед и скорбей, паче же от искушений врага темнаго, да вси мы с тобою прославляем всесвятое имя Отца и Сына и Святаго Духа, ныне и присно и во веки веков. Аминь.

Тропарь, глас 4-й

Яко мученика добропроизвольна и преподобных удобрение, звезду ростовскую, в затворе, узах и веригах Господеви благоугодившаго и чудес благодать от Него приемшаго, Иринарха предивнаго песньми хвалебными почтим и, к нему припадающе, умильно глаголем: отче преподобне, моли Христа Бога спастися душам нашим.

Кондак, глас 2-й

Волнений множество жестоким житием преходя, изгнание, затвор и узы железныя претерпел еси мужески, Иринарше терпеливодýшне, нам оставль образ злострадания и терпения твоего, озаряя чудес блистаньми с верою преходящих к честнóму гробу твоему, у негоже, яко почесть победную, вериги твоя тяжкия видим, от нихже подаéши исцеления недýжным. Сего ради зовем ти: радуйся, Иринарше, отче предивный.

Икона дня

Православие.Ru Официальный сайт Русской Православной Церкви / Патриархия.ru

Православный календарь

Сайт создан
по благословению
епископа Рыбинского
и Угличского
Вениамина

Крестный ход 2016

осталось ... 19.07.2017 8:0 -127 дней

Случайное изображение

4.jpg

Радио Благовещение» слушать онлайн

Яндекс.Метрика
Поиск в православном интернете: